上個禮拜被同事感染而患上重感冒，唔知係宜家d菌太勁定係公司醫生d藥太差，又或者我既身體差過以前好多！睇完醫生食左頭兩、三次藥既時候，個人成日都好似唔知做緊乜咁，又頭暈又頭痛，真係好難頂！我係食左兩日半藥之後就決定放棄，要用自己既抵抗力去打贏d菌。果然係無食藥之後就好返好多，好明顯就係d藥既副作用喇！點解d醫生要開埋d咁既藥，d醫務所覺得賺唔夠既話我俾錢都無問題架，人地都已經病緊，仲開埋d咁既藥，我知感冒無得醫要訓覺，但係d藥食左仲差過唔食，你地班PK有無醫得架？？？真係唔死都算我大命！

琴日去左同事J到探佢同佢個B，好耐都無去過北角，真係好似好遠咁，仲行錯路，行左個大運先去到！原來行過條天橋就到，激死！

阿B同J都好精神，好似仲精神過我地添！阿B個樣同睇相好唔同，果然係真人靚過上鏡呀！不過就俾想像中細粒，好似粒豆咁！快d叫媽咪俾多d野妳食喇，叫妳契爺俾都得架！哈哈！

去探阿B之前落左灣仔唸住買野，點知佢話無貨，好日都唔過海，你竟然話無！！！之後搭左好耐都無搭過既叮叮，好舒服呀，又唔熱，又唔多人，應該會快過搭地鐵添，又唔洗行上行落。記得細個果陣好多時都會同婆婆搭叮叮，果陣會覺得佢行得好慢，其實唔趕時間既話，行咁快做咩喎！落到銅鑼灣，多人到爆，想搵既聖誕禮物又搵唔到，灰！行完就好可以再搭叮叮落北角喇。

今日放工落左旺角繼續搵我想買既禮物，點知呢個世界其實係無呢樣野架！如果唔係，點解行左成個旺角都搵唔到呢？最後買左樣應該都ok既禮物，不過送唔送得出都未知！唔理喇，買左先算喇！之後再買埋用黎交換既禮物，佢貴過我地set既價錢架！聖誕大贈送喇！

之後去左同兩個死黨食飯，點知多左個唔識既人搭檯，估唔到M先生咁快手，識左一個月唔夠就攪點！事實再一次証明，唔知醜，厚面皮係會成功既！我都已經好過以前好多架喇，點解?期待佢地聲稱既女仔喇！

雖然今年又係要過lonely christmas，唉！三年喇！好彩都仲有好多飯局、工作、馬拉松同埋最重要既朋友陪我過一個merry christmas啦！

P.S. 係到請定大家去我係聖誕後就到既新屋到開P或者燒雞翼！一月中到喇，我會係facebook send invitation俾你地架喇！

真係點估都估唔到，我屋企係今年竟然會再買多一層樓，果d乜乜X玲玲一d都無咁講過。所以呢，朋友K都係唔好信佢地喇！靠自己先至最實際，唔係叫妳唔好去旅行，但係去少一兩次，儲下錢，就可以買到妳果間姑婆屋架喇！

由話買果刻開始到落訂果一刻都唔洗三日，比上次足足快幾倍，真係同買棵菜差唔多。雖然我一直都有唸過自己都要買一層屬於自己既樓，但係根本都唸過會咁快實現到，老實講，都真係幾開心架！宜家住緊果到雖然都叫做係我個名，實際上就係為左屋企先至會買，個波會交比細佬喇，希望佢攪得掂喇！我都無咁多錢再幫手供喇！襯後生有間屬於自己既屋都好既！我都幫你供左兩年幾，都算係咁喇！

今次買到呢間新屋都要多謝老豆同阿媽，我知我出黎做野三年都只係俾錢供樓，其他野都要你地俾，仲要借多十幾萬俾我買樓，好似無乜幫過屋企咁！不過我一定會達成到你地琴晚講既野，買多間俾你地兩個自己住，俾d時間我就得架喇！

新屋雖然細過宜家果到，不過我同阿媽都好鐘意，兩個人住既話真係幾好，要租出去俾人住自己都無得住真係有d唔捨得，但係無辦法喇！能力問題，同埋都未有咁既需要！等遲d拍拖、結婚先自己住返囉！希望三四年之後就可以願望達成喇！

我估係十二月尾之前就可以到樓，到時你地可以係我未租出去之前上去house warming或者開下聖誕party都得架！不過都應該會幾吉下，記住自己帶返自己張先至有得座架！

過左兩日係屋企無網上既生活，因為個modem既火牛壞左，係屋企又無用既，都唔知點解modem要用2A電流！於是就打去叫人黎換，點知佢話要三日，好彩兩日都後都黎到，如果唔係今日都無得用！但係果兩日我都無乜上網既需要，因為返到去都想訓，唔想上網。

 

1st Goal for CX

琴晚去踢波，終於都入左我係國泰既第一球，我估我都有成一兩年都無入過波喇！希望入開有條路喇！琴晚開波果陣都踢得幾好，因為大家都有氣有力，仲要個陣容都算唔錯，不過打到尾就?仲有進步空間既！

 

Happy Birthday!!!

今日係一日裡面食左兩次蛋糕，仲要兩個都係芒果蛋糕，一個係哥既，一個係媽咪既！祝佢地兩個生日快樂喇！我阿媽就一定好快樂，因為佢一日打兩場麻雀！勁！！！

食飯果陣仲俾左個驚喜我添，今次起碼都搞幾個月先搞得掂！